Փնտրում եք բարձր վարձատրվող աշխատանք՝ սեղմեք ԱՅՍՏԵՂ
Այսօր՝ հոկտեմբերի 23-ին, արտակարգ դեպք է տեղի ունեցել Կոտայքի մարզում։ Ժամը 11։30-ի սահմաններում Երևանի բնակիչ՝ 34-ամյա Ռոման Պ-ն Mercedes մակնիշի ավտոմեքենայով Երևան-Աշտարակ ընթանալիս Պռոշյան գյուղի վարչական տարածքում նկատել է, որ ավտոմեքենայից ծուխ և կրակ է դուրս գալիս։
Ինչպես դեպքի վայրից հայտնում է Shamshyan.com-ը, վարորդն ահազանգել է Արտակարգ իրավիճակների նախարարության Փրկարար ծառայության 911 ճգնաժամային կառավարման կենտրոն, որտեղից օպերատիվորեն ժամանել են Երևանի հրշեջ փրկարարական ջոկատից 1 մարտական հաշվարկ՝ Գրիգոր Ավդալյանի գլխավորությամբ։ Մինչ հրշեջների ժամանումը, վարորդը քաղաքացիների օգնությամբ փորձել է կանխել կրակի տարածումը, սակայն այն այնքան արագ է բռնկվել, որ հնարավոր չի եղել։ Հրշեջները մարել են կրակը, սակայն ավտոմեքենան ամբողջովին վերածվել է մոխրակույտի։
Ըստ նախնական տեղեկությունների, բարեբախտաբար, տուժածներ չկան։ Ժամանել են նաև ոստիկանության Նաիրիի բաժնի հերթապահ խումբը՝ օրվա պատասխանատու հերթապահի գլխավորությամբ։ Դեպքի փաստով ոստիկանության Նաիրիի բաժնում նյութեր են նախապատրաստվում։
