Ռուստամ Մուրադովը բանակցություններ է վարում ադրբեջանական կողմի հետ՝ պահանջելով մի քանի ժամվա ընթացքում վերադարձնել գերեվարված զինծառայողին

Արցախում ռուս խաղաղապահների հրամանատար գեներալ-լեյտենանտ Ռուստամ Մուրադովը բանակցություններ է վարում ադրբեջանական կողմի հետ և պահանջում, որ մինչև օրվա վերջ վերադարձնեն այսօր գերեվարված զինծառայողին:

Այս մասին «Փաստինֆո»-ի հետ զրույցում տեղեկացրեց Արցախի ԱԻՊԾ նախկին փոխտնօրեն, գերեվարված շիրակցիների վերադարձի հարցով զբաղվող Բորիս Ավագյանը։

Նշենք, որ խոսքը ՀՀ ԶՈՒ N զորամասի պայմանագրային զինծառայող, շարքային Ա. Քաթանյանի մասին է, ով Հունիսի 8-ին մառախուղի պատճառով ապակողմնորոշվելով տեղանքում, հայտնվել է Ադրբեջանի ԶՈւ վերահսկողության տակ գտնվող տարածքում։

Ավագյանը հույս հայտնեց, որ այսօր՝մի քանի ժամվա ընթացում արդյունքներ կլինեն։

Աղբյուր` Փաստինֆո