Սպասվում է, որ Իրանը կհետաձգի իր պատասխանը Թեհրանում պաղեստինյան ՀԱՄԱՍ շարժման քաղբյուրոյի ղեկավար Իսմայիլ Հանիայի սպանությանը։
Ըստ The New York Times-ի՝ Թեհրանը «ժամանակ է տալիս միջնորդներին Գազայի հատվածում հրադադարի հասնելու համար:
Ինչպես գրում է NYT-ն, իսրայելական հետախուզությունը կարծում է, որ Իրանն ու «Հեզբոլլահը» նվազեցրել են իրենց հրթիռային ստորաբաժանումների մարտական պատրաստության մակարդակը: Այժմ Իսրայելը կարծում է, որ Իրանի հարվածը կարող է ավելի ուշ հասցվել։ Սակայն իսրայելական հետախուզության տվյալները անընդհատ փոխվում են։