Անգոլայի նախագահ Ժոաո Լոուրենսուն իր երկրի անկախության 50-ամյակի առթիվ մրցանակ է հանձնել աշխարհի չեմպիոն Արգենտինայի հավաքականի եւ ամերիկյան «Ինտեր Մայամիի» 38-ամյա հարձակվող Լիոնել Մեսին։
Արգենտինան Լուանդայում ընկերական հանդիպում էր անցկացրել Անգոլայի թիմի հետ եւ հաղթել 2:0 հաշվով Մեսիի եւ Միլանի «Ինտերի» հարձակվող Լաուտարո Մարտինեսի գոլերի շնորհիվ։
Անգոլան 1975-ին անկախություն է ստացել Պորտուգալիայից։