2026 թվականի հունվար–ապրիլ ամիսներին ռուսական օղու ամենախոշոր ներմուծողը դարձել է Ղազախստանը։ Այս մասին հայտնել է ռուսական ագրոարտահանման ոլորտի կենտրոնը։
Տարվա առաջին չորս ամիսներին Ղազախստանը Ռուսաստանից գնել է շուրջ 3,6 միլիոն դոլարի օղի՝ զգալիորեն առաջ անցնելով մյուս գնորդ երկրներից։ Երկրորդ տեղում հայտնվել է Ադրբեջանը․ այս ուղղությամբ ռուսական ալկոհոլի արտահանումն աճել է 42 տոկոսով՝ գերազանցելով 900 տոննան, իսկ դրամական արտահայտությամբ՝ ավելացել 55 տոկոսով՝ հասնելով ավելի քան 2,2 միլիոն դոլարի։
Երրորդ տեղում է հայտնվել Վրաստանը՝ մոտ 1,7 միլիոն դոլարի ներմուծմամբ։ Փորձագետները նշում են, որ արտահանման աճը տեղի է ունենում Ռուսաստանի ներքին շուկայում օղու թանկացման ֆոնին։ Դրա հիմնական պատճառների շարքում նշվում են ակցիզային հարկերի բարձրացումը, ինչպես նաև հումքի և արտադրության ծախսերի աճը։
Сообщение Ղազախստանը դարձել է ռուսական օղու գլխավոր գնորդը появились сначала на WeeklyNews.am.