Այսօր՝ մարտի 16-ին, հրդեհ է տեղի ունեցել Վայոց ձորի մարզում։ Ժամը 16:20-ի սահմաններում ՀՀ Ներքին գործերի նախարարության Փրկարար ծառայության 911 ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Վայոց ձորի մարզի Ագարակաձոր գյուղի 4-րդ փողոցի տներից մեկի հարևանությամբ գտնվող անասնակերում։
Ինչպես հայտնում է ֆոտոլրագրող Գագիկ Շամշյանը, դեպքի վայր են ժամանել Եղեգնաձորի թիվ 59 հրշեջ-փրկարարական ջոկատից 2 մարտական հաշվարկ։
Ժամանել են նաև ՀՀ ՆԳՆ Ոստիկանության Պարեկային ծառայության Վայոց ձորի մարզի գումարտակի պարեկները, ինչպես նաև ոստիկանության Եղեգնաձորի բաժնի հերթապահ խումբը։
Պարզվել է, որ այրվում է անասնակեր։
Ըստ նախնական տեղեկությունների՝ հրդեհի հետևանքով, բարեբախտաբար, տուժածներ չկան։